Цэцэрлэгийн бацааны дурлал:
Энэ ёстой инээдтэй. Манай цэцэрлэгт хүүхдүүд маань тухайн үедээ айл гэр болж тоглоно. Тэгээд би нэрийг ерөөсөө санадаггүй ангийн маань банди охин хоёр үргэлж эцэг эх болно. Би харин тэр хоёрын хүүхэд болно. Тоглоом нь бас их үнэмшилтэй хаанаасаа ч тийм зүйл харчдын.Адтай золигнууд. Эцэг эх хоёр маань орой болчлоо унтлаа гээд даавуугаа нөмрөөд хэвтчихнэ. Ах тэр хооронд ангийнхаа охиныг найз охиноо болгочихоод л жижигхэн ширээн дээрээ хоёр сандал гаргаж тавиад машин болгоод тоглодог байж.Бодвол машинтайгаа хотоор тэнэдэг байж./Бинзен нь ч хямдхан байж/ Одоо бодоход тэр охин үсээ хоёр хувааж сүлжсэн дандаа обручик зүүдэг тийм охин байсан санагдаж байна. Тэр обручик-г би дандаа хугалчихна. Эцэг эх нь манайд ирээд обручикны мөнгө аваад л хэхэ. Бид хоёрын дурлал удаан үргэлжилээгүй л дээ. Манайх гэдэг гэр бүл нүүж бид хоёрын бүтэлгүй дурлал ингээд өндөрлөж билээ.
Бага ангийн дурлал:
1-р ангидаа Дархан-уул аймгийн 17-р дунд сургуульд элсэн оров.ингэж л анх сурагч болж байлаа. 4- хүртэлээ сурсан. 3-т байхад манай ангид Солонгоо гээд нээх хөөрхөн цагаан царайтай махлаг булцгардуу охин шилжиж ирээд би тэрэнд шууд дуг наасан. Ядаж байхад би онц сурна, ангийн дарга,нэр хүндээрээ багшийн дараа орно. Шинээр ирсэн хүүхдийг багш самбарын өмнө жогсоож байгаад танилцуулаад суудал зааж өгдөг дөө. Багш миний хажууд суулгав. Би тэрэнд хичээл заана, шалгалтан дээр нь хуулууна. Тэр сурлагандаа жоохон тааруухан байсан миний хувьд түүнтэй ойртох давуу тал минь байлаа. Би ч давуу талаа сайн ашигласан л даа. Сүүлд бага ангийнхаа зургийг харсан чинь тийм ч хөөрхөн санагдаагүй шүү. Хэхэ. Анхны сэтгэгдэлээ гэж. 4-р ангидаа манайх гэдэг гэр бүл Улаанбаатар хотруу нүүж бага ангийн дурлал минь нутаг заагдан цөлөгдөж билээ.
Дунд ангийн дурлал:
5-р ангидаа шинэ сургууль руу шилжиж билээ. Бүх юм шинэ. Охидууд нь ч шинэ сонголт олонтой хэхэ. Эхнээсээ л би өөрийгөө таниулж Мат, Монгол хэл, Уран зохиол гээд бүхий л хичээл дээр онц гарна. Шалгалтыг зөвхөн надаас авахгүй байж энэ тэр. Тэр шинэ ангид маань Мөнхзаяа гээд ширээ хам жижигхээн биетэй бордуу царайтай охин сурдаг байсан юм. Тэр маань бас хичээлдээ их сайн бишээ. Тэр нь бас л миний давуу тал. 10-н жилд байхад нээх хөөрхөн 3-8нд охидуудаа баярлуулдаг даа. Тэгсэн надад бэлэг авч өгөх мөнгө төгрөгний болоцоо байсангүй. Аз болж манай эгээгийн ангийн хөвгүүд нь урд өдөр нь баярлуулж тараад. Эгчдээ ирсэн цэцэгийг нь тэр охинд бэлэг болгож өгч билээ.Дараа нь эгчдээ зодуулсан хэхэ. Даанч тэр маань дээд ангийн бандийг сонгож намайг өнчрүүлж билээ. Битүүхэндээ тэр бандид атаархаад л өнгөрсөн дөө.
Дунд ангийн дурлал2:
7-р ангидаа юмдаг ангийнхаа охидын бүлгийн толгойлогч охинд бас дурлачихав. Яасан дурлаж ханадаггүй сэтгэлэв. Дурсгалын дэвтэр дээр Таалагддаг банди гэсэн хариултан дээр Шижир гээд миний нэрийг бичсэн байдгийм даа. Ёоё. Тэр үед би өөрийгөө эмэгтэй хүнийг татах увидастайгаа мэдэрлээ шд. /наргисан шүү найзуудаа/ Одоо бодоход тэрийг уншаад төрсөн мэдрэмж маань ёстой хөөрхөн. Даанч тэр жилдээ би өөр сургууль руу шилжиж дурлал минь тэр л ангидаа дурсамжтайгаа үлдсэн дээ.
Ахлах ангийн дурлал:
Ая яаяа ах ахлах ангид орчихсон. Дүү нарт хичээл заана. Сургуулиа төлөөлж олимпиод уралдаан тэмцээнд их оролцоно. Бас тэгээд дээр нь сургуулийн гар бөмбөгийн багт тоглодог. Олон төрлийн зүйл сонирхдог байсан болоод ч тэр үү янзан бүрийн секц дугуйланд явдаг байж. 2002 онд юм уу Улсын үнсгэлжин уралдааныг үзэж байхдаа анх түүнийг хараад бас л дуг наацан. Их урт үстэй цав цагаан царайтай түүнд шууд дурлав. Би бол тэрний хажууд гутлаа чирсэн хэнрээ тэрийгээ мэдэхгүй том ярьсан бацаан л байсан байх. Дараа нь тэр охины утасных нь дугаарыг нь янзан бүрийн эх сурвалжаас сураглаж байж олж авлаа.
Сайн уу танилцья гэсэн анхны мессэжний минь хариуд ТОМ ТЭНЭГТ гэсэн хариу ирдэгийм даа. Ёоё ямар их зантай охин бэ гэж бодлоо. Ингэж тэгэж явсаар байтал Оны шилдэг сурагч гээд нэг баахан хүүхдүүд тодордог доо. Би гэдэг хүн ч бас шалдир булдир зүйл хийж яваад болчихов. Тэр охин бас Үнсгэлжин улсын уралдаанд түрүүлсэн гээд Оны шилдэг сурагч болж байна. Орой нь төрийн ордон дотор бяцхан банкетин дээр танилцаж байж билээ. Тэгээд анхы болзоо амжилттай ахин уулзах найдвартай алаг цэцэгс амтат нобар анхны үнсэлт............
Их сургуулийн дурлал:
Энэ үед хэнд ч сэтгэл санаа минь татагдаж байгаагүй юм. Ахлах ангийн дурлалынхаа эзэнтэй 2 курс хүртэлээ үерхсэн юмдаг. Даанч хэтэрхий их хар нь намайг өөрөөс нь холдуулсан юм даа.Ер нь Шижир гэдэг хувь өөрөө үнэнч зантай юм даа. Би хэзээ хэнийг ч хуурч байгаагүй.
Зиак миний дурлалууд нэг иймэрхүү. Их ч юм шиг цөөхөн ч юм шиг.
Subscribe to:
Posts (Atom)
